Gng. Iluminada Lagunda, bagong City Auditor ng Lunsod ng San Pablo

San Pablo City- Nagsimula nang manungkulan nuong June 5, 2012 bilang City Auditor ng Lunsod ng San Pablo si Gng. Iluminada G. Lagunda isang Certified Public Accountant. Nagsimula siyang pumasok sa gov’t service nuong 1977 bilang Acctng. Clerk sa LLDA at Staff sa BFAR-NCR at UPLB mula 1982 at 1991. Naging Unit Head at Asst. Unit Head naman siya mula 1993 hanggang 2005 mula sa iba’t-ibang gov’t offices ng LCAT, UPLB, NAPOLCOM-Reg. IV, PCAMRD at ERDB. At mula April 2005 hanggang Jan. 2010 ay naging Audit Team Leader ng DENR-MGB Reg. IV A & B, ERDB, PENRO, Registry of Deeds ng Sta. Cruz at Siniloan, Laguna. Bago naman lumipat sa lunsod ay Audit Team Leader din siya ng PCARRD, PCAMRD at FPRDI mula Jan. 2010 hanggang June 4, 2012.

Tubong Laguna si Gng. Lagunda mula Paete kung saan nagtapos rin siya ng kanyang Elementary sa Paete Elementary School at sa Eastern Laguna Institute naman siya nagtapos ng High School kung saan pareho siyang nakakuha ng Special Mention Academic Honors. Nakatapos naman siyang Cum Laude sa kursong BS Commerce sa Cabanatuan City Colleges. Mayroon rin siyang units sa Master of Business Administration sa Polytechnic Univ. of the Phils. at Certificate of Governmental Mgt. mula Union College.

Naging Special Auditor rin siya sa mga United Nation (UN) Agencies tulad ng UN-SIAP at UN-HABITAT sa Japan; UN-HABITAT sa Brazil; UN-DGACM sa New York City at UNDP sa Philippines. Member naman siya ng Phil. Inst. of Certified Public Accountant (PICPA) at Gov’t Assn. of Certified Public Accountant (GACPA).

Si Gng. Lagunda ay kasalukuyang naninirahan sa Lumban, Laguna at kasal kay Engr. Daniel Lagunda, Jr at may 3 anak na sina Engr. Dennis Floren Lagunda, Ruselle Laguna, Registered Nurse at Ann Renzel Laguna, Student.